परम-पूज्य-श्री श्री रविशंकर-स्तुति-पंचकम
शुभ-संग-सदंग-विभूषण हे !
जन-सेवक-सज्जन-मज्जन हे !
युग-रंजन-सूर्य ! सुदिव्य-मते !
प्रणमामि पदे ! रविशंकर ते ! (१)
भव-शान्ति-निधान-परायण हे !
नव-जीवन-सद्गति-साधन हे !
अवनी-वन-पावन ! भव्य-कृते !
प्रणमामि पदे ! रविशंकर ते ! (२)
नर-लक्ष-सुलक्ष्य-निबोधन हे !
सुख-जीवन-मार्ग-विभावन हे !
नव-चेतन-केतन-भक्ति-रते !
प्रणमामि पदे ! रविशंकर ते ! (३)
मधु-हास-विभासित-भाषण हे !
मुनि-सेव्य-सुदर्शन-भूषण हे !
परिरक्षसि मानवमिष्ट-पथे !
प्रणमामि पदे ! रविशंकर ते ! (४)
शत-पाप-विनासन-चन्दन हे !
कलि-ताप-समुच्चय-खंडन हे !
चिर-पूज्य-गुरो ! सरलैक-मते !
प्रणमामि पदे ! रविशंकर ते ! (५)
प्रणयनम समर्पणम च :
वाणीकवि डा. मनोमोहन आचार्य
No comments:
Post a Comment